اسلام آباد۔ 17 جون (اے پی پی) تیزی نال بدلدی ہوئی علاقائی صورتحال اتے مشرق وسطیٰ اچ کشیدگی وچ غیر معمولی وادھے خاص طور تے ایران دے خلاف اسرائیل دی جاری فوجی جارحیت دے پیش نظر الجزائر، بحرین، برونائی دارالسلام، چاڈ، کوموروس، جبوتی، مصر، عراق، اردن، کویت، لیبیا، موریطانیہ، پاکستان، قطر، سعودی عرب، صومالیہ، سوڈان، ترکیہ، اومان اتے متحدہ عرب امارات دے وزرائے خارجہ ہک سانجھے بیان اچ اسلامی جمہوریہ ایران تے اسرائیل دے حملیاں اتے کہیں و?? ایجھا اقدام کوں جیہڑا بین الاقوامی قانون اتے اقوام متحدہ دے چارٹر دے مقاصد اتے اصولاں دی خلاف ورزی کریندے ہن، دی ڈوٹوک لفظاں وچ مذمت کیتی۔ منگل کوں پاکستان دے دفتر خارجہ دے مطابق وزرائے خارجہ ریاستاں دی خودمختاری اتے علاقائی سالمیت دے احترام دے نال نال چنگی ہمسائیگی دے اصولاں تے عمل کرݨ اتے تنازعیاں دے پرامن حل دی ضرورت تے زور ڈتا۔ انہاں آکھیا جو ایران دے خلاف اسرائیلی مخاصمت کوں روکݨ دی ناگزیر ضرورت اے جیہڑی مشرق وسطیٰ وچ ودھدی ہوئی کشیدگی اچ سامھے آئی اے۔ ایں خطرناک کشیدگی تے شدید تشویش دا اظہار کریندیں ہوئیں انہاں آکھیا جو ایندے نال پورے خطے دے امن تے استحکام تے سنگین نتیجے نکلݨ دا خدشہ اے?? ایہو جیہی صورتحال وچ ہک جامع جنگ بندی اتے امن دی بحالی کیتے کم کرݨ دی ضرورت اے۔ وزرائے خارجہ آکھیا جو جوہری ہتھیاراں اتے وݙے پیمانے تے تباہی دے بئے ہتھیاراں توں پاک مشرق وسطیٰ دے علاقے دے قیام دی فوری ضرورت اے جیہڑا متعلقہ بین الاقوامی قرار داداں دے مطابق خطے دیاں ساریاں ریاستاں تے بغیر کہیں استثنیٰ دے لاگو ہووے، نال ہی مشرق وسطیٰ دے سارے ملکاں کوں جوہری ہتھیاراں دے عدم پھیلاؤ (این پی ٹی) دے معاہدے وچ شامل تھیوݨ دی فوری ضرورت اے۔ انہاں آکھیا جو بین الاقوام?? ایٹمی توانائ?? ایجنسی (آئی اے ای اے) دی متعلقہ قرار داداں اتے اقوام متحدہ دی سلامتی کونسل دے فیصلیاں دے مطابق جوہری تنصیبات کوں نشانہ ٻݨاوݨ توں بچنڑ دی انتہائی اہمیت اے کیوں جو ایہو جہیاں کارروائیاں بین الاقوامی قانون اتے بین الاقوامی انسانی قانون بشمول 1949 دے جنیوا کنونشنز دی خلاف ورزی ہن۔ انہاں سانجھے بیان وچ آکھیا جو ایرانی جوہری پروگرام دے حوالے نال پائیدار معاہدے تئیں پجݨ دا واحد قابل عمل ذریعہ دے طور تے مذاکرات دے رستے تے تیزی نال واپسی دی فوری ضرورت اے۔ انہاں ٻیا آکھیا جو بین الاقوامی قانون دے متعلقہ قواعد دے مطابق بین الاقوامی آبی گزرگاہواں وچ نیویگیشن دی آزادی دے تحفظ دی اہمیت اتے میری ٹائم سکیورٹی کوں نقصان پجاوݨ توں بچݨ ضروری اے۔ سانجھے بیان دے مطابق سفارت کاری، گالھ مہاڑ اتے چنگی ہمسائیگی دے اصولاں دی پاسداری، بین الاقوامی قانون اتے اقوام متحدہ دے چارٹر دے مطابق خطے وچ بحراناں دے حل دا واحد قابل عمل رستہ اے اتے اے جو فوجی ذریعے جاری بحران دا دیرپا حل کائنی گھن آ سگدے۔
ایران تے اسرائیل دے حملیاں دی ݙوٹوک لفظاں وچ مذمت کریندوں، پاکستان سودھے بئے ملکاں دے وزرائے خارجہ دا سانجھا بیان
اسلام آباد۔ 17 جون (اے پی پی) تیزی نال بدلدی ہوئی علاقائی صورتحال اتے مشرق وسطیٰ اچ کشیدگی وچ غیر معمولی وادھے خاص طور...
مضمون کا ماخذ : پاکستان کی مشہور لاٹری
.jpg)
