اسلام آباد۔23مارچ(اے پی پی) صدر مملکت آصف علی زرداری آکھیے آزادی بے پناہ قربانیاں دے بعد ملی اے اتے ایں آزادی دا تحفظ ھک ٻہوں وݙی ذمہ واری اے جئیں سانڳے پوری قوم تے مسلح افواج ہرقسم دی قربانی سانڳے تیار ہن ۔یوم پاکستان دے موقع تے قومی ٹی وی چینلز تے ب??اہ راست نشر تھیوݨ آلی یوم پاکستان دی پریڈ توں خطاب کریندے صدرمملکت آکھئے اتحاد، ایمان اتے نظم و ضبط بانی ??اکستان قائداعظم محمد علی جناح دا ݙتا ہویا نصب العین اے جئیں توں ماضی اچ ہر آزمائش تے پورے لتھے ہیں اساں سارے ٻاہرلی اندرلی دہشت گردی دا منہ بھن جواب ݙتے ۔صدر مملکت تاریخی ݙینھ تے قوم کوں مبارخ ݙیندے آکھئے 23 مارچ قوم سانڳے ھک اہم ݙینھ اے کیوں جو اڄ دے ݙینھ اساں قائداعظم دی قیادت اچ آزادی ڳھدی تے علامہ اقبال دے خواب دی تعبیر ممکن تھئی انہاں آکھیے آزادی سانڳے لکھاں مسلماناں قربانی ݙتی تے خواب کوں حقیقت اچ بدال ݙتا۔ اڄ دے ݙینھ اساں آپݨے شہدا کوں خراج عقیدت پیش کریندوں صدر مملکت آکھئے پاکستان دی تخلیق دا مقصد مساوات، انصاف اتے قانون دی حکمرانی دے اصولاں تے مبنی جدید فلاحی ریاست دا قیام ہئی تے اساں انہاں مقصد کوں گھنݨ دا عہد کریندوں تے ایں جذبے نال اڄ دا ݙینھ منایا ویندا پئے ۔صدرمملکت آصف علی زرداری آکھیے بھارت پاکستان کوں ہمیشہ ملی اکھ نال ݙیکھدے ، فتنہ الخوارج تے ٻئے دہشت گرد تنظیماں اپݨے ناپاک عزائم گھنݨ سانڳے کوشاں ہن تاں جو صدر مملکت واضح کیتے پاکستان دے عوام اتے مسلح افواج ھک مٹھ ہن تے دشمن دے ناپاک عزائم کوں مٹی اچ رلا ݙیسن ۔تقریب اچ وزیراعظم محمد شہباز شریف، سپیکر قومی اسمبلی سردار ایاز صادق ، چیئرمین سینیٹ سید یوسف رضا گیلانی، ترائی مسلح افواج دے سربراہان، اعلیٰ فوجی افسراں، وفاقی وزراء، ارکان پارلیمنٹ اتے سفارتکاراں وی شرکت کیتی۔ صدرمملکت آصف علی زرداری مزید آکھیے آپݨی نینگر نسل اچ نفرت تے مایوسی کھنڈاوݨ دیاں کوششاں دا مقابلہ کرݨا ہوسی ، ففتھ جنریشن وار فیئر ھک چیلنج دی صورت اختیار کرچکے ۔ انہاں آکھیے اوکھ تے قابو پاوݨ دی صلاحیت رکھیندوں ۔ اساں ھک باحوصلہ قوم ہیسے تے چیلنجز توں نہ جھکسوں ۔اساکوں قوم دی توانائی اتے صلاحیتاں تے اعتماد اے اتے اساں اوکھ توں نی گھبریندے ۔ انہاں عزم کیتے جو ساری اندرلی ٻاہرلی سازشاں دے باوجود پاکستان دی تعمیر و ترقی دا عمل جاری رہسی ۔ انہاں آکھیے پاکستان کوں جغرافیائی اتے سیاسی مسئلیں دا سامݨا اے جݙاں جو ساݙی بہادر مسلح افواج عوام دے رلے بے شمار قربانیاں ݙیندی پئی اے ۔صدرمملکت دفاع کوں مزید مستحکم بݨاوݨ، زراعت سودھے اقتصادی شعبیں کوں ودھارا ݙیوݨ تے نینگراں سانڳے روزگار دے موقع پیدا کرݨ دی لوڑھ تے زور ݙتا ، اساں آپݨی سرحداں دی حفاظت یقینی بݨیسوں ، معیشت، زراعت مستحکم تے توانائی دا تحفظ کریسوں ۔ صدر مملکت آصف علی زرداری ??وم دے نینگراں کوں ’قوم دا اثاثہ‘ قرار ݙیندے آکھیے انہاں کوں تحقیق تے مبنی تعلیم اتے جدید ترین تکنیکی تربیت نال آراستہ کرݨ تے آپݨی نینگر نسل کیتے روزگار پیدا کریسوں کیوں جو ساݙے نینگر ساݙے ملک دا قیمتی سرمایہ ہن ۔ انہاں ساریاں صوبائی حکومتاں تے زور ݙتے بنیادی صحت اتے سماجی بہبود دے اقدامات تے توجہ ݙیون ۔ انہاں آکھیے اے سفر اوکھا ضرور اے لیکن ناممکن کائنی کیوں جو اصل طاقت قوم کنے ہے ۔صدر آکھیے پاکستان دی خارجہ پالیسی استحکام اتے امن کوں یقینی بݨاوݨ تے مبنی اے اتے اساں آپݨے پڑوسیاں تے عالمی برادری نال سانجھے احترام اتے خوشحالی دے مشترکہ اہداف تے مبنی تکڑے تعلقات چاہندوں ۔آصف علی زرداری بے مثال قربانیاں ݙیوݨ تے مسلح افواج تے قانون نافذ کرݨ آلے اداریں کوں وی خراج تحسین پیش کریندے انہاں دے عزم اتے بہادری کوں اسلام پیش کیتے ۔ انہاں آکھیے اڄ دے ݙینھ اساں آپݨے کشمیریاں کوں نی بھلیے جیڑھے وݙے عرصے توں بھارت دی ریاستی دہشتگردی دا شکار ہن ۔ صدر مملکت انہاں نال مکمل یکجہتی کریندے انہاں دی بے مثال قربانیاں کوں سلام پیش کیتے۔ صدر مملکت آصف علی زرداری قوم توں اپیل کیتی جو آپݨی ساری توانائیاں ملکی ترقی سانڳے وقف کرن اختلافات بھلا تے خوشحال پاکستان سانڳے کم کرن۔ صدرمملکت دعا کیتی جو اللہ تعالیٰ اساکوں عزت و عظمت اتے سربلندی دے رستے چلݨ دی توفیق عطا فرماوے۔ انہاں شاندار تقریب کراوݨ تے پریڈ کمانڈر دی تعریف کریندے آکھئے یوم پاکستان دی تقریب ھک مستحکم پاکستان ، قومی یکجہتی اتے وقار دا منظر پیش کریندی پئی اے ۔ تقریب دے دوران پاک فضائیہ دی طرفوں شاندار فلائی پاسٹ دا مظاہرہ کیتا ڳئ?? ۔ شیردل، میراج، ایف 16، جے ایف 17 تھنڈر اتے جے 10 سی دی مختلف فارمیشنز شاندار رفتار نال حیرت انگیز فضائی مظاہرے کیتے۔ ایندے توں پہلے صدر مملکت پریڈ اچ حصہ گھنݨ آلے مسلح افواج دے چاق و چوبند دستیں دا معائنہ کیتا ۔انہاں صدارتی سلامی ݙتی ڳئ?? جݙاں جو قومی ترانہ وی وڄایا ڳئ?? ۔صدر مملکت روایتی صدارتی ٻگھی اچ گھوڑیں تے سواراپݨے محافظاں نال پنڈال پڄے ہن ۔
ایں موقع تے فوجی بینڈ قومی ترانے تے مبنی موسیقی دیاں شاندار دھناں وی پیش کیتیاں۔
